Description
‘ഉടൽ എന്നത് വെറുമൊരു ഭൗതിക രൂപമല്ല, മറിച്ച് അത് പ്രപഞ്ചസംഗീതം മീട്ടുന്ന ഒരു വീണയാണ്’. മലയാളി മനസ്സിന്റെ കപട സദാചാരത്തിനു നേരെ പിടിച്ച കണ്ണാടിയാണ് ഈ കഥാസമാഹാരം. പ്രണയവും കാമവും രതിയുടെ രാഷ്ട്രീയവും പെൺപക്ഷത്തുനിന്നു വിട്ടുവീഴ്ചയില്ലാതെ അന്ന ഗായത്രി ഇവിടെ അടയാളപ്പെടുത്തുന്നു. മാന്യതയുടെ വസ്ത്രങ്ങൾക്കുള്ളിൽ ഒളിപ്പിച്ചുവെച്ചിരിക്കുന്ന കാമത്തിന്റെ വൈകൃതങ്ങളെ വിചാരണ ചെയ്യുന്നതോടൊപ്പം, സ്വത്വത്തിനു വേണ്ടിയുള്ള സ്ത്രീയുടെ പോരാട്ടങ്ങളെ ഈ കഥകൾ തുറന്നുകാട്ടുന്നു. ആധുനിക മനുഷ്യന്റെ ആന്തരികമായ ഏകാന്തതയെയും ആത്മശൂന്യതയെയും അക്ഷരങ്ങളിലൂടെ വരച്ചുകാട്ടുന്ന ഇറോട്ടിക് കഥകളുടെ സമാഹാരം.
